Tubungan, Iloilo- Patay ang 64 anyos nga babayi samtang missing ang 10 ka tuig nga apo matapos naabtan sang baha samtang nagapanikop sang isda sa Hara-ao River sakop sang barangay Daga-ay, Tubungan sang Sabado sang hapon.
Ginkilala ang biktima kay Rosalinda Tabal, 64 anyos sang Brgy. San Vicente, Tubungan.
Suno kay PO3 Jasper Ryan Bastonero sang Tubungan PNP , naabtan sang mabaskog nga daludo sang tubig ang mga biktima kag pasado alas 2:00 na sang hapon sang nakita ang bangkay ni Tabal sa tunga sang suba kag wala na sang kabuhi.
Sa karon, wala pa nakita ang lawas sang apo ni Tabal nga si alyas Jake.
(photo from web)
Facebook Comments
