Maayon, Capiz- Wala gid matabangan ang duha ka tuig nga bata nga babaye matapos nga ini ang nalumos sa tab nga may yara sang tubig sa Brgy. Carataya, Maayon.
Gindangat pa sa Bailan District Hospital ang biktima apang gindeklarar nga dead on arrival sang doktor.
Suno sa pahayag sang amay nga si “Ernesto”, yara sa ila panimalay ang anak sini kaupod ang iya iloy nga nagapanglimpyo.
Apang wala matalupangdan sang iloy nga naglakat ang biktima kag ulihi na nasapwan nga nagalutaw ang duha ka tuig nga bata sa tab nga may yara sang tubig.
Nahibaloan nga subang nila nga anak ang amo nga biktima.
Facebook Comments
