Pagadian City – Dako ang pasalamat sa mga giĀnikanan sa barangay sa Man-ilan sakop sa lungsod sa Tukuran sa ilang paborito nga sibyahan nga RMN-DXPR Pagadian dihang sa nang-apud-apod kini og libreng school supplies.
Aduna’y usa ka gatos ka tinun-an sa elementarya ang sayo palang sa buntag naghulat ug naglinya na aron makadawat libreng pagpanghatag sa school supplies ug tsinelas kaganihang buntag.
Ang maong RMN foundation nakigtimbayayong sa 1st Field Artillery Battalion ug 1st Cavalry Squadron aron mahatod sa lugar ang mga gamit nga itunol sa mga estudyante.
Nangunay mismo ang mga RadyoMaN sa RMN Pagadian sa paghatag sa mga gamit sa pagtungha taliwala sa kainit sa panahon.
Gikatakda usab nga manghatag pa sa susamang gamit ang RMN Team sa Magting ug Manlayag Elementary School.
