General Santos City—Hapit nalumos ang usa ka hubog human kining nahulog sa kanal didto sa may Purok Masagana, Barangay Baluan Gensan alas 9:00 sa gabie, kagahapong adlawa.
Biktima giilang si Jerome Digan Cabat, 21, residenti sa Barangay Polonoling, Tupi, South Cotabato.
Una nang nakadawat ug report ang Police Station 3 nga matud pa dunay usa ka lalaking nalumos sa maong lugar. Pag abot sa kapulisan naghigna na ang biktima daplin sa kanal.
Ayha nahitabo ang pagkalumos sa biktima nakig-inum matud pa kini sa iyang mga paryenti sa lugar.
Apan nilakaw kini, maayo nalang nga nakit-an sa iyang usa ka paryenti nga anaa na sa kanal ang nasangpit mao nga iyang gitabangan nga makahawa sa kanal.
Paspas nga gidala sa ospital ang biktima ug nagpaalim nalang sa balay tambalanan. Ang tumang kahubog maoy gitudlong hinungdan sa pagkahagbong niini ngadto sa kanal.
(Photo From Web)
