> JUST IN! 13 ka pasahero lakip an sakay na 3 ka bata naluwas human nalunod an tagsakyan na M/B Aldrin, isa ka dili rehistrado na sakyanang pandagat sa may Pier Area Bilang-Bilang, Brgy. Taft, Surigao City sa dihang paggawas na unta, biyahe pasingod sa Hinatuan, Taganaan, Surigao Del Norte. Sa inisyal na impormasyon na nakuha nan RMN, alas 2:00 kuman hapon nigikan diri sa Surigao City an M/B Aldrin sa dihang noagi an M/B Yohan na nakahimo nan bayod sa dagat. Una na miigo an bayod sa M/B Aldrin ug an ikaduha na bayod an nakalunod na. Hinoon dali ini na na-rescue mga alas 2:15 nan hapon pinaagi sa tabang nan Harbor Pilot ug Phil. Coastguard SDN. Sa pagkakuman,kasamtangang jaon pa sa buhatan sa PCG an boat captain na si Reden Plaza para kuhaan nan statement sa panghitabo. An mga pasahero an una na tagpauli sa ila mga panimayay. Nahimong danyos sa panghitabo an mga kinumpra na pagkaon na dad-on unta sa isa ka mining company sa Hinatuan, Taganaan. > > > > >
