Jamindan, Capiz- Pilason ang 34-anyos nga mister makaligad nga ini ang naluthangan samtang nagapanyapon sa sulod sang ila panimalay sa Sitio Tagaytay Brgy Ganzon banwa sang Jamindan.
Nag-angkon sang samad sa wala nga porsyon sang tiyan ang biktima nga ginkilala kay Rogie Zonio y Modesto sang nasambitan nga lugar nga sa subong ang ginabulong sa isa ka ospital diri sa syudad sang Roxas.
Ginkilala ang suspek kay George Sonio, 26-anyos kun sa diin gamit sini amo ang “sumpak” nga nabalahan sang 12-gauge shotgun.
Base sa imbestigasyon sang mga kapulisan sang Jamindan, magka-upod lamang ang suspek kag biktima nga nag-inom apang nagluntad ang pagbinaes sa tunga sang mga ini kabangdanan nga ginpakamaayo sang biktima nga ini ang magpauli.
Ginkakibot na lamang sang pamilya sini sang nakabati sang lupok sang armasluthang.
Matapos ang insidente, madasig nga nagpalagyo ang suspek sa wala mahibaloan nga direksyon.
