Namaligya sa druga, patay human misukol sa kapulisan

Patay ang usa ka lalaking namaligya og druga human misukol sa mga kapulisan sa Macabalan Police Station atol sa drug buy bust operation mga alas 7:15 kagabie sa District 6, Balacanas, Barangay Consolacion ning syudad.

 

Suspek nailang si Jeremy Paderan Jr., 24 anyos, taga Barangay Camaman-an ug 31 ning dakbayan.

 

Matud ni SPO1 Katipunan sa Police Station 5 Macabalan nga napalitan si Paderan og usa ka sachet nga adunay sulod sa gitoohang shabu gamit ang 500 pesos nga buy bust money.


 

Sa initial nga imbestigasyon sa SOCO gibutyag ni Dr. Christian Caballes nga nakuha sa crime scene ang usa ka 38 revolver nga armas, duha ka fired cartridges sa 9mm, sa cellphone niini nakuha usab ang lima ka sachet nga adunay sulod sa gitoohang shabu.

 

Nasayran nga dunay duha ka samad pinusilan sa dughan ug usa sa kasingkasing ang suspek ug sa pagsuta sa 38 revolver nasayrang dunay duha ka fired cartridges sa cylinder samtang na paraffin test na usab ang biktima.

 

Tambag usab ni Dr. Caballes sa kabanay sa biktima nga mahimo nila kining ipa autopsy ug pwede usab sila maka file og kaso.

Facebook Comments