Tulisan misukol-patay sa kapulisan

40

Davao City – Patay ang usa ka gituohan nga tulisan human giingong misukol sa kapolisan Sta. Ana alas-12:30 kagabie nahitabo sa Lapu-Lapu St. Brgy. 15-B siyudad sa Davao.

Sa spot report gikan Sta Ana PNP, naila ang suspect nga si Jayson Balaga, 20-anyos, nagpuyo sa San Vicente, Brgy. Leon Garcia Agdao ning dakbayan kinsa napatay.

Atol sa paglusad sa Anti-Criminality Terrorisim Clearing Operation, naaktuhan sa mga pulis ang tulo ka mga lalaki nga mikatkat sa usa ka ten wheeler truck nga nakaparada atubangan sa Cantilan Bank.

Sa dihang arestuhon na sa mga pulis ang maong mga suspetsado, kalit mihulbot si Balaga sa iyang armas dayon pusil tumong kang Po1 Agua apan abtik usab nga nakaretaliate ang mga police.

Nakahigayon pa og sulod ang suspect sa usa ka gambalay sa GTS nahimutang sa nasampit nga lugar samtang ang duha ka kauban nga suspect abtik usab nakasibat niadtong tungora.

Gisulayan pa og dala ang suspect nga si Balaga sa Southern Philippines Medical Center (SPMC) aron tambalan apan pipila ka gutlo nakabsan kini og kinabuhi.

Subay niini, naglusad og parallel investigation ang SOCO didto sa crime scene sa pagpanguna ni Police Chief Inspector Armando Galigo Jr. diin narekober ang duha ka mga basiyo sa bala sa 9mm, usa ka homemade .38 revolver nga dunay tulo ka bala, usa ka basiyo, ug usa ka color blue pack bag nga kinawat sa suspect ug dunay sulod nga P500 sa salapi kinsa gipanag-iyahan sa usa ka Ernie Cualbar, 31-anyos, usa ka truck helper, ug residente sa Mangagoy, Agusan del Sur.

Ang patay’ng lawas anaa gibalhin sa morgue sa SPMC ning dakbayan.

RadyoMaN Don Pulayao

Facebook Comments