General Santos City—sikop sa tropa sa Philippine Drug Enforcement Agency Regional Office-12 ug Glan Municipal Police Station ang usa ka lalaking lambigit sa pagpamaligya ug Marijuana sa may Sitio Agbaboy, Brgy. San Vicente, Glan, Sarangani Province, kagahapong adlawa.
Ang naaresto giilang si Gerry Bahibag, 27, mag-uuma ug residenti sa samang lugar.
Mukabat sa kapin kon kulang (5) ka gramo ang napalit sa nagpakarong-ingnong poseur buyer ngadto sa suspek nga nagkantidad P175.00 gamit ang P500.00 nga marked money.
Human sa operasyon, nakaibot ang awtoridad ug (2) ka fully grown marijuana nga nagkantidad ug P400.00.
Kasong kalapasan sa Sections 5 (Sale of Dangerous Drugs) ug Section 16 (Cultivation of Dangerous Drugs ), Article II sa RA 9165 ( Comprehensive Dangerous Drugs Act of 2002) ang ipasang-at batok sa suspek.
(Photo Credit to PDEA rehiyon dose)
