Umabot na sa 152 indibidwal ang namatay dahil sa nanaranasang dengue outbreak sa ilang lugar sa bansa.
Ito ang kinumpirma ng National Disaster Risk Reduction and Management Council o NDRRMC.
Sa pinakahuli nilang datos, mula January 1 hanggang July 13, 2019 nakapagtala sila ng 25, 772 dengue cases mula sa Regions 6, 7, 8 at Region 12.
Sa dengue cases na ito 152 ang namatay.
Pinakamaraming naitalang namatay ay sa Cebu sakop ng Region 7 na umabot sa 36 indibidwal.
Sinusundan ito ng Negros Occidental sa Region 6 na nakapagtala ng 23 indibidwal na namatay dahil sa dengue.
Kaugnay nito nagsagawa na ang NDRRMC kasama ang Department of Health (DOH) at iba pang concerned agencies ng pagpupulong para sa deklarasyon ng National Dengue Alert sa mga piling rehiyon.
