Nasa kapin dos mil ka pamilya ang naapektuhan sa nahitabong pagbaha sa upat ka munisipyo sa Lanao del Norte mga alas sais kagabie.
Kini basi sa report nga nadawat sa Police Regional Office kon PRO 10 gikan sa Lanao del Norte Provincial Disaster Risk Reduction and Management Office.
Lakip sa apektado sa pagbaha ang Sapad, Lala, SND ug Kapatagan.
Niabot usab sa 29 ka barangay gikan sa upat ka munisipyo ang apektado.
12 ka barangay niini ang sa Sapad, lima sa Lala, duha sa SND ug napulo ka barangay sa Kapatagan.
Dunay 15 ka balay ang naguba sa maong pagbaha.
Samtang ang mga apektadong mga pamilya ang naa sa 27 ka evacuation centers sa upat ka munisipyo sa Lanao del Norte.
Hinoon, gibutyag bag-uhay lang ni Police Lieutenant Colonel Mardy Hortillosa, tigpamaba sa PRO 10 nga sa karon wala nay pag ulan sa maong mga lugar.
