Pagadian City – Misaka na sa unom ang probable PUI patient nga namatay dinhi sa probinsya sa Zamboanga del Sur.
Kini human gibawian sa kinabuhi kagahapong adlawa ang 67 anyos nga lalaki nga gikonsiderang probable PUI kinsa taga Prk. Pasayan, Barangay Benuatan, Dinas, Zamboanga del Sur kinsa gi confine sa Margosatubig Regional Hospital.
Acute respiratory failure, secondary to encephalopathy, multifunctional problem, acute cerebrovascular disease, infarct vs. bleed ang diagnosis sa maong pasyente.
Dugtong niini, misaka usab ang ihap sa possible ug suspect cases dinhi sa probinsya.
Sa pinakaulahing datos nga gipagawas sa Zamboanga del Sur Task Force Covid 19 ug sa Integrated Provincial Health Office (IPHO), anaa na sa 731 ang ihap sa Possible Cases ug 87 niini ang bag-ong nadugang samtang 45 ang kasamtangan karong gikonsiderang Suspect cases, 3 ang bag-ong na admit ug lima ang na-discharge.
