Nisaka pa ngadto sa 62 ang mga naugkat nga patay`ng lawas sa nahitabo nga landslide sa Tinaan , dakbayan sa Naga .
Samtang ang mga sakop sa religious ug environment group nga “Posyon Kinaiyahan” nilusad ug protesta gikan sa Naga City paingon sa kapitolyo dinhi sa dakbayan sa Sugbu ingon man ngadto sa Mines and Geosciences Bureau-7 aron ipadayag ang ilang simpatiya ug pagpakighiusa sa mga biktima sa landslide .
Sa Naga City ,atubangan sa planta sa Apo Cemex matud ni Dan Diez sa Posyon Kinaiyahan , ilang gipanawagan ang paghunong sa quarry operations nga nakadaut sa kinaiyahan ug nagbutang sa peligro sa kinabuhi sa mga anaa sa komunidad .
Ang mga taga Tinaan Naga , nibasul sa quarry operation sa Apo Land and Quarry Corporation sa sitio Tagaytay nga maoy nakaingon sa landslide .
