PALO, LEYTE – 65% an gin-ubos ha kaso han dengue matapos an duha ka bulan yana nga tuig kompara dida han nakalabay base ha report han Department Of Health Region 8.
Sumala kan Dr. Minerva Molon, Regional Director han DOH Region 8, 339 na an naitala nga dengue cases ha bug-os nga rehiyon tikang han Enero ngadto Pebrero 2018 pero bisan pa man naghamubo ha 65% ha kaso han dengue in may naitala na nga duha nga namatay.
Sumala kan Leonido Olobia, Dengue Program coordinator han DOH-8, kadam-an la gihapon ha mga nagkakasakit hin dengue in mga kabataan.
Salit, panawagan han DOH nga diri la gihapon magin kampante an mga mulopyo ha dengue bisan pa man katsirak na. Importante daw la gihapon an paglimpyo ha kalibungan ngan tanggalon an posible nga bunayan han mga lamok.
