General Santos City–Duha na ang kompermadong namatay sa pag-igo sa Dengue sa General Santos City kini subay sa gipagulang datus sa City Health Office alang karong tuig 2019 lamang. Matud pa kang dra Mely Lastimosa sa City Health Gensan nga anaa na sa 623 ka kaso sa Dengue ang natala sa siyudad og duha ang kompermadong namatay na.
Samtang sa datus usab sa DOH Region 12 sa tibuok Pilipinas misaka na sa 130,463 ka kaso sa Dengue ang natala og anaa na usab sa 561 ang kompermadong patay tungod sa Dengue.
Hinuon giklaru ni Dra Mely Lastimosa nga wala pay Dengue Outbreak nga gideklara ang DOH Region 12 sa pagkakaron. Gipaniguro karon sa City Health Gensan nga padayon ang pagmonitor sa ilahang mga rural health team nga gilangkuban sa mga Doktor, Nurses, Midwifes sa matag Barangay aron daling maagapan ang mga tawong adunay sintomas sa mataptan sa makamatay nga Dengue.
Samtang gipaniguro usab karon ni Gensan City Mayor Ronnel Rivera ngadto sa mga katawhan sa Gensan nga kanunayng able ang tanang mga komunikasyon sa ospital sa gobyerno ang City Health Office nga mabantayan ang mga tawong adunay sintomas sa Dengue nga madala gilayon og matambalan sa mga ospital aron dina mulala pa ang pagtaas sa kaso sa makamatay nga Dengue.
Padayon usab karon ang panawagan sa lokal nga panggamhanan sa Gensan ngadto sa tanang mga katawhan sa siyudad ng aipadayon ang pagpanghinlo sa palibot aron di kini balayan sa mga lamok nga nagdala sa maong makamatay sa sakit.
