General Santos City—Angol ang usa ka Restituto Larano, 28 anyos nga taga Alabel Sarangani Province human nga nabunalan sa wala pa mailhing suspek samtang kini natulog gawas nga bahin sa usa ka Video-k bar sa Barangay Bula, Gensan.
Basi sa blotter report sa Police Station 6 nasayran nga namyesta ang biktima sa Barangay bula, alas 3:00 ang takna sa kabuntagon dihang natulog ra kini matud pa kini sa gawas sa usa ka imnanan sa maong Barangay apan Kalit lang kining gibunalan ug gahing butang.
Nakaangkon ug samad ang nasampit sa iyang lawas hinungdan nga gidala kini sa Dr. Jorge Royeca Hospital.
Basi usab sa pahayag sa mga residenti sa lugar, samtang ang biktima ana sa imnanan nag sige matud pa kini ug pangilog ug microphone sa mga nanganta maong natripan ug nakulatahan.
Sa karon nagpadayon pa ang gihimong imbistigasyon sa kapulisan kalabutan sa insidenti.
