Nadula nga kasubong sang bula ang handum sang isa ka iloy sa iya bata matapos hindi na matuman ang tanan bangud nag untat na ini sa pag skwela sa sekondarya.
Wala na sang kabuhi sang maabtan ni Ngato Natang Lutan ang iya asawa nga ginkilala kay Lo Timan Lutan, 61anyos, residente sang Sitio Badak, Brgy. Kematu, T’boli, South Cotabato alas 9:30 sang nagligad nga aga makaligad nga naghikog suno pa ini pinaagi sa pagbitay sang iya sarili sa puno sang marang gamit ang lubid nga ginhigot sa iya nga leog, sa nasambit nga lugar
Sa imbetigasyon sang T’boli PNP, depression ang nakita nila nga motibo sa pagkomiter sang hikog sa biktima.
Kaangot sini ginpahayag ni PCI Ramil Villagracia, Hepe sang T”boli MPS, napaslawan suno pa ang iloy sa handum sang iya bata nga lalaki nga nagaeskwela sa nasambit nga banwa, apang mas ginpili suno pa nga mag untat na lang.
Luyag kun tani sang iloy nga makatapos sa pagtuon ang iya bata para sa bwas damlag kag mangin bugal man sang pamilya.
Bangud sa pag untat sang iya bata, tuman suno pa ang kabalaka sang iloy nga mauntat man ang sustento sang gobyerno banud benepisaryo sang 4P’s sang DSWD ang iya bata.
Sa subong nagapabilin pa ang bangkay sang biktima sa punerarya sa nasambit nga Banwa.
