NANG-AGAW SANG LUGAR | Magpamilya, pilason matapos nabunggo ang ginasakyan nga traysikol sa kasugata nga van sa Poblacion Ilaya, Dumarao!

445

Dumarao, Capiz – Pilason ang magpamilya matapos ang natabo nga karambola sa tunga sang van kag ginasakyan sang mga ini nga traysikol alas 6:30 sang aga sa national highway sa Poblacion Ilaya, Dumarao, Capiz.
Base sa imbestigasyon sang kapulisan, halin sa New Lucena, Iloilo kag padulong sa syudad sang Roxas sanday Alan Lagaña, live-in-partner nga si Maria Lourdes Fernandez kag apat ka tuig nila nga bata.
Ginasubay sang mga ini ang dalan sang naglapaw ang traysikol sa linya nga ginaagyan sang van nga ginamaneho naman ni Julius Caballero, 33-anyos sang Vallehermoso, Negros Orriental nga nangin kabangdanan sang aksidente.
Ginpangdala ang magpamilya sa isa ka ospital sa syudad sang Iloilo matapos nga nag-angkon ang mga ini sang seryoso nga kapilasan sa lawas.
photo © from Dumarao BFP

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments