Davao City- Gipasang-at na ngadto sa piskalya ang consummated robbery batok sa nadakpang pulis nga nang-hold-up sa tindahan sa Lapu-Lapu St., Magugpo, Poblacion, Tagum City, Davao del Norte.
Sa interbyu sa DXDC RMN Davao kang PLtCol. Edgardo Bernardo, Tagum City Police Office Station Commander, nakakustodiya karon sa ilahang custodial facility ang suspek nga si Patrolman Raph Ampo Doria nga taga- Bayugan City, Agusan del Sur ug sakop sa Prosperidad Municipal Police Station sa Agusan del Sur.
Segun ni Bernardo, gilantaw nga motibo sa krimen ang problema pinansyal sa suspetsado.
Nanghold-up ang suspek sa tulo ka mga tindahan ug nanion kini’g armas ngadto sa biktima.
Girespondehan sa kapulisan ang insidente ug nadakpan ang suspek.
Narekober ang P5,000 nga kantidad sa posisyon sa dinakpan ug ang issued firearm niini.
RadyoMaN Aimee Guinita
Facebook Comments
