Nanganak nga NPA gitabangan sa sundalo

Compostela Valley- Gitabangan sa kasundaluhan ilawom sa 71st Infantry Kaibigan Batallion (71IB), Philippine Army ang usa ka miyembro sa New Peoples Army o NPA sa pagpanganak niini sulod sa Davao Regional Medical Center o DRMC sa syudad sa Tagum.

Giila sa mga kasundalohan ang nanganak nga si alyas Sally, tack-in finance sa Milisyang Bayan sa Weakened Guerilla Front 2.

Nidangop ngadto kang 71IB Commanding Officer Ltc. Esteveyn Ducusin ang bayaw niini aron matabangan sila sa bayrunon sa ospital sanglit dili sila miyembro sa Philhealth.


Gitubag sa militar ang hangyo ug mitunol og P12,000 lakip na ang pagparehistro sa bata nga ginganlang si Cyril ngadto sa local civil registrar.

RadyoMaN Jules Catisay

Facebook Comments