General Santos City–Padayon matud pang gina-ila sa Police Station 3 ang patay nga lawas sa usa ka suspect nga napatay sa gihimong operayon sa kapulisan human nga nangarnap ug usa ka traysikad nga gimanihuan sa usa ka Eduardo Tubalado Jr., 29 anyos nga nanimuyo sa barangay Lagao, ala 1:00 ang takna sa kaadlawon.
Sumala pa ni Police Lieutenant Felix Minion III, ang Deputy Chief Of Police sa Police Station 3 nga sa karon gipaabot pa nila nga adunay moclaim sa patay nga lawas sa suspect nga anaa na karon sa usa ka lokal nga punerarya ning syudad.
Kung kahinumduman nga ala 1:00 sa kadlwon kagahapon nagpatang ang biktima sa opisina sa kapulisan tungod kay pugsanon matud pa nga gikuha sa iyaha ang iyahang traysikad nga ginamanihuan sa nasangpit nga suspect nga dunay dala sundang.
Sa dihang girespondehan naabtan ang suspect sa Prk. 9, Barangay Katangawan kung asa gipahunong ug gipasurrender kini sa kapulisan apan inay nga motahan sa iyahang kaugalingon gisuwayan niini ug tigbas ang usa ka police hinungdan nga napusilan kini ug napatay.
Gihingusgan usab ni Police Lt. Minion nga midepensa lang ang miresponde nga pulis sa iyahang kaugalingon hinungdan nga napusilan ang suspect nga motigbas ngadto kaniya.(Dave Silagan)
