Nangawat og sigarilyo, nakuhaan og marijuana

33
Marijuana leaves and hand cuffs crime or addiction concept

Nabawi sa mga sakop sa Lake Sebu Municipal Police Station ang iligal na drogang marijuana ngadto sa nadakpang kawatan og sigarilyo sa usa ka tindahan sa may Barangay Poblacion, Lake Sebu, South Cotabato niaging gabie.

Base sa impormasyon gikan sa Lake Sebu PNP, ilahang giila ang suspek sa pangalang Ronald Salazar Baulite, alias Cham-cham, 19 anyos, ulitawo apan walay trabaho ug residente sa Barangay Poblacion, Lake Sebu.


Nasayran nga misulod og nanguhag duha ka rim sa sigarilyo ang suspek ngadto sa tindahan sa biktima apan dayong nakapangayog tabang ngadto sa kapolisan.

Pagkadakop sa suspek sa kapolisan, nabawi ang duha ka rim sa sigarilyo apan dihang gikapkapan ang suspek nabawi sa mga pulis ang pakete sa posporo unod ang anaa sa 0.5436 grams sa marijuana anaa sa walang bahin sa bulsa sa iyahang jacket.

Pagkapaslak sa selda sa suspek, mag-atubang kini og kasong pagsupak sa Section 11 sa RA 9165 samtang gipailawom sa eksaminasyon ang iligal nga drogang narekober.

For more info’s and updates, like and share our official facebook account: www.facebook.com/ifm91.9Gensanofficial/




#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: Weed-Charges-SC.jpg]

Facebook Comments