Nangawat ug motorsiklo, sikop

100

General Santos City—Sikop sa operatiba sa City Public Safety Company (CPSC) ang usa ka lalaki kansa responsabli matud pa a pagkuha sa motorsiklo sa usa ka biktima samtang kini nakaparking atubangan sa Collado Funeral Homes nga nahimutang sa Pendatun St., Barangay North Gensan.

Giila ang suspek nga si Michael Aristotles, 20, Factory worker , residenti sa FVR Vill, Barangay Fatima Gensan.


Alas 7:30 ang takna sa gabie adlawng Lunes, August 7, 2017 dihang igo rang gipark sa biktimang si Renante Alvia ang iyang motorsiklo nga usa ka Yamaha Krypton, nga may plate no. IP-7632 atubangan sa Collado Funeral homes.

Apan pagbalik niini wagtang na ang iyang motorsiklo mao nga sya nangayog tabang ngadto sa mga sakop sa CPSC.

Gilayong gipangita ang suspek nga nagtangag sa maong moptorsiklo diin naabtan ang nahisgutan sa may Laurel St., Barangay East Gensan.

Sa inisyal nga imbistigasyon sa otoridad posibling pag park sa biktima sa iyang motor, didto na kini giguyod sa suspek ug gisakyan palayo sa lugar apan swerti nga naabtan pa kini sa kapulisan ug nasikop.




Malampuson usab nga narekober ang motorsiklo sa biktima ug anaa na kini karon sa kustudiya sa nahisgutan.

Gikatakda usab nga pasakaan ug kaso ang nahisgutang suspetsado kansa balhog karon sa silda sa Police Station 1.

Facebook Comments