Wanted sa Gensan, dakpan sa Glan

General Santos City—sikop sa hiniusang pwersa sa Pendatun Police Station (Police Station 1) ug Glan Police Station ang usa ka wanted sa kasong druga atol sa ilang gihimong manhunt Charlie sa may Barangay Kablalan, Glan, Sarangani Province.

Suspek nailang si Rudy Dangao, 49, residenti sa Purok Kugon, Barangay Kablalan, Glan. Alas 7:00 ang takna sa gabie dihang gidala ang nahisgutan sa may Pendatun Police Station human kining nasikop didto sa Glan, Sarangani.

Si Dangao nga usa ka mag-uuma adunay kasong paglapas sa sec. 11, ilawom sa Art. II, sa RA 9165 (Comprehensive Dangerous Drug Act of 2002) kansa warrant of Arrest niini ang una nang gipagula ni Hon. Judge Oscar Noel Jr.


Sa kasamtangan ang suspek pabiling balhog sa silda sa Pendatun Police Station ug commitment order nalang ang gipaabot aron nga mabalhin na ang nahisgutan Gensan Reformatory Center, apan siya posibling mahimong gawasnon higayon nga makapyanas sa kasong iyang giatubang.

Facebook Comments