General Santos City—dakpan ang duha ka empleyado sa mall apil na ang duha nila ka kakonsabo sa pagpangawat sa SM Mall og Gensan kagahapong adlawa, alas 6:48 sa gabie.
Mga gidakop giilang silang si Comar Buso, 21, Bagger, residenti sa Barangay Lagao, Gensan ug Norhana Sorayyah Kamid, 22, Cashier, residenti sa Maitum, Sarangani Province. Sikop usab ang mga kakonsabo niini nga silang si Maimona Masukat, 40 ug Bainot Masukat, pulos residenti sa Maitum, Sarangani.
Sa inisyal nga imbistigasyon sa Police Station 2 nasayran nga nagtinabangay ang mga nasangpit nga magpalusot ug grocery items kantidad ug P11, 675.00 gikan sa SM Mall Supermarket apan sila nabisto sa gwardya nga si Brendsa Kawasa.
Gilayon silang gisita ug gidakop dayon giturn-over sa Police Station 3. Sa karon ginahuwat nalang sa kapulisan ang pagpasang-at ug kasong pagpangawat batok sa mga suspek.
(Photo From Web)
