Nanghulga nga i-post ang nude photos sa gipanguyaban nadakpan

395

Davao City – Hagbong sa kamot sa otoridad ang usa ka lalaki human gireklamo tungod sa pagpanghulga nga i-post sa social media ang nude pictures sa iyang gipanguyaban.

Sa interview sa DXDC RMN Davao kay Police Lt. Col. Noel Espinoza sa Regional Anti-Cybercrime Unit 11, giila ang maong gireklamo nga usa ka Rashid Huselyn Radjac Tumpilan, 25 anyos, call center agent ug taga Brgy. Magnaga, Pantukan, Compostela Valley Province kinsa malampusong nadakpan atol sa entrapment operation bandang alas 4 kagahapon, June 19, 2019 nga gilusad sa kapulisan sa may Roxas Avenue ning syudad.


Gisaysay niini nga mireklamo ang usa ka 21 anyos nga graduating student nga si alyas Jane sa ilang buhatan human nga gihulga siya sa maong dinakpan nga kapin usa ka tuig na niya nga suitor nga i-post sa social media ang nude photos niini og dili makipagkita.

“Sinasabi ng biktima natin na nung time na may isang pagkakataon na nakipagkita itong lasing at natext niya ito dahil suitor nga niya para sunduin but instead na ihatid sa bahay dinala niya ito sa isang inn sa Davao,” segun ni Espinoza.

Anaa na karon sa Hall of Justice ang dinakpan kinsa mag atubang og kasong RA 9262 ug RA 9995 pursuant to Sec. 6 of RA 10175 kun Cybercrime Prevention Act of 2012.

RadyoMaN Renz Barbarona

Facebook Comments

From Advertisers