NANGIMON | Mister nabun-an bangud lamang sa pagpaangkas sa isa ka babaye!

228

Roxas City, Capiz- Pilason ang isa ka mangingisda matapos ini ang nabun-an sa atubang sang barangay hall sang Brgy. Libas alas 4:55 sang hapon bangud sa pagpangimon.
Ginkilala ang biktima kay Rufy Aliligay y Riban, 41-anyos nga nag-angkon sang pilas sa iya likod kag padayon nga ginabulong sa Roxas Memorial Provincial Hospital.
Sa bulig ni Kagawad Freddie Aranton sang Brgy. Libas natigayon man nga madakpan ang suspek nga si Isidro Benidecto y Romualdo, 43-anyos sang Brgy. Intungcan, Pontevedra, Capiz.
Sa imbestigasyon ni SPO2 Maichael Capapas sang Roxas City Police Station, nagaguha nga magka-upod ang suspek kag ang biktima nga nagpamista sa banwa sang Ivisan.
Suno kay Rufy Aliligay, naka-angkas sa iya si “Karina”, 40-anyos sang Brgy. Lantangan Pontevedra kun sa diin ginsunod sila sang suspek tubtob sa tulay sa boundary sang Brgy Cagay kag Brgy. Dayao tubtob sa barangay hall sang Libas kag diri na siya nabun-an.
Hugot sini nga ginpanindogan nga wala sila sang espesiyal nga kaangtanan sang backrider nga si “Karina” kag posible nga nagpangimon lamang ang amu nga suspek bangud sa iya sadto naga-angkas ang nasambitan nga babaye.
Sa subong yara na nakahunong sa Roxas City PNP ang amu nga suspetsado. Interesado naman nga magpasaka sang kaso ang biktima.
© web photo

Facebook Comments