Patay ang 16-anyos nga grade 11 student matapos ginluthang sang iya step father alas 6:30 subong lamang nga gab-i sa barangay Buntalan, Maasin, Iloilo.
Dead on arrival sa ospital ang biktima nga ginkilala kay Allejah Faye Aglibot nga nakaagum sang pilas sa ulo, dughan kag butkon sang ginluthang sang iya step father nga ginkilala kay Jerold Guillermo, 38 anyos.
Ginpahayag ni Police Inspector Oswald Gatuslao, hepe sang Maasin PNP nga natabu ang insidente matapos nagbaisay ang suspek kag ang biktima matapos ginpilit sang step fther ang iya manak nga i-open ang cellphone sini apang nagpakatig-a ang biktima.
Suno kay Gatuslao nga posible nagpangimo ang suspek nga ginapahayag may luyag sa biktima.,
Nahibaluan nga ka-live in sang iloy sang biktima ang nasambit nga suspek.
Sa karon, padayon ang hot pursuit operation sang mga pulis agud madakpan ang suspek.
(c) Uno Dos
