Roxas City, Capiz- Nangin madinalag-on ang ginpatigayon nga 1st Tour de Capiz kahapon nga adlaw sang Domingo, Setyembre 30, 2018.
Ang amu nga kahiwatan ang ginpasakopan sang masobra sa 300 ka mga bike enthusiasts sa bilog nga probinsya sang Capiz kun sa diin ginlibot sang mga ini ang mga tourist attractions kag mga landmarks sa 16 ka mga kabanwahanan lakip ang Roxas City.
Kabug-osan nga 140KM nga ruta ang ginsubay sang mga participants nga nagserbe naman bilang starting kag finishing point ang Roxas City.
Maluwas dirimay yara man sang 90KM fun distance nga karera.
Katuyoan sang 1st Tour de Capiz nga ma-promote ang turismo kag ang mga ginapabugal nga mga destinasyon nga may yara ang Capiz.
Natigayon ang amu nga kahiwatan bangud sa pagpatikasog sang Cycling Club of Capiz, Sangguniang Kabataan(SK) kag kapartner ang provincial government sang Capiz.
photo © Tour de Capiz FB page
