BACOLOD CITY – Detenado na karon sa estasyon sang pulis ang isa ka soltero matapos ini gindakup sa reklamo sang duha ka dalaga nga ini ang nagpanglingling sadtong Sabado sang hapon sa banyo sang daan nga City Hall sang Bacolod.
Nakilala ang suspek nga si alias Richard, 23 anyos ang edad kag pumuluyo sang Brgy. Mandalagan, Bacolod City.
Sa reklamo sang duha ka mga dalaga, naga edad 23 anyos, taga banwa sang Murcia kag isa ka 21-anyos nga taga Bacolod, mga las 4:30 sang hapon sadtong Sabado, nagsulod sila sa CR sang Old City Hall sa down area area.
Sang yara na sa sulod, natalupangdan sang duha nga may nagakalas-kalas sa bintana sang banyo.
Bangud sini, gilayon nga nagpadulong sa talatapan sang Public Order and Safety Office ukon POSO ang amo nga mga babayi kag nagreport sang hitabo.
Gilayon nga nagresponder ang mga taga-POSO kag sa ila pagpangusisa, naabtan gid ang suspek sa sulod sang banyo./dyHB BACOLOD
