Nakilal-an na an patay nga lawas nga nakit-an ha kabaybayonan han Brgy. San Roque Tolosa Leyte dida han nakalabay nga Myerkules.
Sumala han Tolosa PNP, ginkilala an patay nga lawas han iya anay nga live-in partner nga hi Adelaida Boleche.
An patay nga lalaki in nagngangaran naman nga hi Liserio Raquisa, 45 anyos ngan residente han Brgy. Look, Basey Samar.
Sumala kan PIsnp. Emie Maceda, Chief of Police han Tolosa PNP, pira na kaadlaw nga nawawara an biktima ha ira lugar.
Nakilal-an an patay nga lawas pinaagi han iya tattoo ha iya lawas. Mayada tattoo nga may letra nga ‘CB’ ngan dragon ha iya tuo nga sugbong. Mayada liwat triangle nga tattoo ha iya wala nga butkon nga may nakasurat nga ‘NR Neser’.
Yana, ginkuha na han iya pamilya an patay nga lawas han lalaki ha punerarya.
