Dead on arrival sa Dr. Jorge P. Royeca Hospital ang suspek sa kasong pagpanglugos o rape human matod pa nangilog og armas sa policewoman nga na-assign sa Women and Children Protection Desk sa Bula Police Station 6 pasado alas-6 ang takna Lunes sa gabie.
Sa inisyal nga imbestigasyon gipagawas sa presinto sa kapolisan giila ang suspek sa pangalang Merston Mocodompis, 40-anyos, residente sa Zone 8, Brgy. Bula, ning syudad sa GenSan.
Sumala sa report, gibutyag ni Police Lieutenant Omar Baret, Deputy Station Commander sa presinto nga nadakpan nila ang suspek na si Mocodompis tungod positibong gitudlo nga nanglugos ug nangmolestiya sa silingan na 6 anyos nga batang babaye.
Dugang ni PLt. Baret na gibasehan nila ang pag-aresto kay Mocodompis base sa nahimong pahayag sa amahan sa bata og sa mismong bata na biktima.
Nasayran nga upat kahigayong gihilabtan sa suspek ang biktima sukad pa niadtong bulan sa Enero.
Wala na matod pa maka-agwanta ang biktima hinungdan gisumbong sa ginikanan og nangayog pakitabang sa kapolisan.
Nadakpan hinuon ang suspek og gidala sa presinto apan samtang ginapailawom sa interogasyon og booking process nangilog ang suspek og service firearm sa pulis nga si PSSgt. Aiza Frias nga na-assign sa WCPD sa maong presinto dayon gipamusil ang mga pulis nga naa sa sulod.
Mibalos og pagpabuto ang mga pulis nga miresulta sa nahiagom sa suspek na gunshot wounds sa kalawasan.
Wala na makaabot nga buhi ang suspek human gitabang og dala sa ospital.
Photo Courtesy: Bula Police Station 6
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 123649740_4552044631536321_2225864702568147752_o.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
