Dipolog City – Nadakpan sa follow-up operation sa kapolisan sa Dipolog ang tulo ka mga batan-on nanglungkab sa Jaicel store and internet cafe and repaire shop sa barangay Sta. Felomina, dakbayan sa Dipolog diin nasakiyo ang mokabat otso mil nga kantidad sa mahalong butang.
Ang mga suspetsado nadakpan tungod sa CCTV camera alas 7:00 pasado sa niaging gabii, giila ni PO1 Nelvin Mangan nga sila CJ, 16 anyos, Romeo Ventura, 18 anyos ug Jessie Ventura, 22 anyos nga polos taga relocation site, barangay Galas ning dakbayan.
Migawas sa imbestigasyon sa kapolisan nga ang pagpanlungkab nahitabo nianang alas 12:50 niaging kadlawon ug nadiskubrehan sa tag-iya nga si Celeste Arcadio gumikan sa kasaba sa mga iro.
Ang tulo nakadalagan dihang gisingitan sa tag-iya diin nasubayan guba na ang duha ka padlock sa pultahan ug nahanao na ang siyam ka display mga skk mobile, duha sab ka Samsung keypad cell phone.
Sa pakisusi sa maong insidente pinaagi sa pagtan-aw sa video footage sa close circuit television (CCTV) camera naka-install sa dapit namay-ongan ang tulo ug nangadakpan sa follow-up operation sa kapolisan.
Kasong pangawat ang giatubang na karon sa mga suspetsado.
