General Santos City—Padayon ang gihimong imbistigasyon sa Maasim Municipal Police Station sa nahitabong pagpangransack sa wala pa mailhing suspek sa Rojon Pharmacy nga nahimutang sa Purok 1, Barangay Colon, Maasim, Sarangani Province.
Subay sa sumbong sa manager sa maong patigayon nga si Vincent Vidal, ngadto sa kapulisan alas 6:30 ang takna sa buntag sa nakalabayng adlaw dihang ilang nadiskobrehan nga abli na ang maong pharmacy.
Nag katag na usab ang ilang mga baligya ug abli na ang drawer nga gibutangan sa kwarta nga nagkantidad ug P220,000.00.
Gituohang nga sa bangag sa Aircon nag-agi ang mga suspetsado sa pagsulod sa maong establishemento.
Sa karon mas gipalawman pa sa kapulisan ang ilang imbistigasyon kalabutan sa maong insidenti.
Facebook Comments
