General Santos City—Samdan sa bukton ang usa ka Exiquel Salandron, 45 anyos, residenti sa Purok Habitat, Barangay San Isidro Gensan ug temporaryong nagpuyo sa Purok Johny Ang, Barangay City Heights human kining gidunggab sa inahan sa dalagang iyang gipanguyaban alas 11:00 ang takna sa gabie sa may Purok Johny-Ang Paradise, Barangay City Heights, Gensan.
Sa record sa Dr. Jorge Royeca Hospital nasayran nakig-estorya matud pa ang biktima sa iyang gipanguyaban. sila gisita sa inahan tungod nga gabie na matud pa.
Inay mutuman, nagpadayon man ug pakig-estorya ang nasangpit ngadto sa dalagang gipanguyaban mao nga nasuko ang suspek ug siya gidunggab igo sa
bukton nga bahin.
Daling gidala ang biktima sa ospital human sa insidenti apan gilayon man kini nga nakagawas sa hospital tungod dili man grabe ug daplis lang ang naangkon niining samad.
Sa Interview sa RMN Gensan News ngadto sa biktima iyang gibutyag nga bisan siya natingala sa gihimo sa ginang. sumala pa nga nag lingkod lang kini apan siya giduol sa suspek dayon gidunggab sa bukton. sumala pa sa biktima nga dawsa nasuko ang ginang human gipanguyaban ang iyang anak.
