Davao City – Ospital ang gipadulngan sa usa ka lalake human bunali og botelya sa nangutang kaniya nga iyang gisukot.
Nagkadugo na nahidangat sa Southern Philippines Medical Center (SPMC) ang ulo ni Ariel Saagundo, 46 anyos, minyo, ug nagpuyo sa Sto. Niño Riverside, Kilometer 9, Sasa ning siyudad human bunali og botelya sa usa ka alyas Tessie kinsa silingan ra usab sa biktima nga nahitabo alas-3:00 sa hapon.
Nasuta nga gipaningil sa biktima ang 50 pesos nga utang ni Tessie kaniya apan nagmagahi kini sa pagbayad hinungdan misangko sa init nga lantugi ang ilang pag istorya.
Wala matud pa makapugong sa kaugalingon ang suspek ug mikuha kini og botelya dayon gibunal ngadto sa biktima.
Nasayran nga pursegido ang biktima sa pagduso og reklamo sa barangay batok kang Tessie.
RadyoMaN Joel Viray
