Valenzuela City – Binawian ng buhay ang isang drug suspek matapos manlaban sa kinasang drug buy-bust operation sa Malanday, Valenzuela City kagabi.
Kinilala ang suspek na si Christian Padilla na tinamaan ng bala sa ibat-ibang bahagi ng katawan.
Ayon kay Chief Inspector Joey Velaro, hepe ng Drug Enforcement Unit ng Valenzuela Police, nagkasa sila ng operasyon laban sa suspek mag-aalas-otso ng gabi.
Nakabili ang mga otoridad ng 2 pakete ng pinaniniwalaang shabu.
Pero nang aarestuhin na si Padilla bigla nalang itong bumunot ng baril at pinaputukan ang mga pulis. Sa pag-ganti, napatay ang suspek.
Nakalap sa counter scene ang kalibre 38 na baril, 14 napakete ng pinaniniwalaang shabu at mga drug paraphernalia.
Facebook Comments
