Manila, Philippines – Patay ang tatlong miyembro ng gun for hire group matapos maka-engkwentro ang mga pulis sa Payatas, Quezon City.
Sa ulat, nakatanggap sila ng intelligence report ang mga pulis na may isasagawang operasyon ang gun for hire group sa Quezon City.
Dahil dito, agad kumilos ang Special Traffic Action Plan Group para harangin ang grupo kung saan dalawang motorsiklo ang siyang umiwas sa checkpoint.
Agad na hinabol ng mga pulis ang mga suspek pero pinagbabaril sila ng mga ito kaya at napilitan silang gumanti na nauwi sa pagkakapatay sa tatlong suspek.
Nasamsam sa mga suspek ang dalawang motorsiklo, dalawang kalibre .45 baril, isang kalibre 38 at mga bala.
Nakuha rin sa tatlo ang mga ID na may pangalang Aldwin Mabait, Garry Navarro at Jessie Roden, pero hindi pa masabi ng mga awtoridad kung pag-aari nila ang mga ito.
