Davao City – Gitutukan karon sa awtoridad ang15 anyos nga dalagita kinsa gikonsiderang person of interest sa kaso sa usa ka parte sa lawas sa usa ka bata nga gitangag sa iro sa Barangay Gumalang, Baguio District ning syudad sa Davao.
Sa interbyu sa DXDC RMN Davao kang Police Major Archilles Barguio, Chief of Police sa Baguio Police Station, gidala sa Southern Philippines Medical Center (SPMC) ang dalagita aron ipailawom sa mga eksaminasyon aron masuta kung aduna kiniy kalambigitan sa insidente.
“Para mapamatud-an gyod namo nga nakuhaan o nagpakuha ba ning bataa. Ang inisyal findings sa doctor sa Calinan, na-open daw ang iyahang cervix posible nga nanganak siya nga naay nabilin sa sulod, di pod siya maka-determine kung inunlan ba to,” sumala niini.
Gibutyag ni Bargio, gipreserba ang narekober nga batiis ug gikuhaan na kini’g specimen aron masuta ang gender ug isumite alang sa DNA testing. Dunay gideploy nga mga pulis aron mag-imbestiga sa lugar aron makita ang ubang mga parte sa lawas sa bata.
Gibutyag ni Bargio, posibleng mag-atubang sa kasong abortion o intentional abortion ang inahan sa bata.
Kahinumduman nagkaguliyang ang mga residente sa usa ka Purok sa Barangay Gumalang human gitangag sa iro ang giingong tiil sa usa ka bata niadtong Hunyo 18 sa gabii.
RadyoMaN Aimee Guinita
