General Santos City—nakaplagan ang usa ka patayng lawas sa usa ka
lalaki sa bakanting luna sa may Purok Udagre, barangay Conel, General
Santos City kaganinang kabuntagon.
Alas 5:00 pasado dihang nakaplagan sa usa ka residenti sa lugar nga
nanugway ug baka ang patayng lawas sa biktima sa usa ka bakanting
luna.
Ang nasangpit nakagapos ang mga kamot ug tiil, hubo ang senina samtang
nagloslos ang iyang short nga may kolor combination nga pula ug puti.
May samad dinunggaban kini sa iyang wala nga bahin sa iyang kilid ug
samad ginolgolan sa iyang liog. Ginaba-banaang anaa sa 20 ngadto na sa
30 anyos ang nasangpit nga lalaki.
Gituohang gilabay lang sa nasangpit nga lugar ang biktima. sa karon
nagpadayon ang imbistigasyon sa maong insidenti samtang ginasuta pa
ang ilhanan sa biktima.
