Ang kapulisan sa Sibutad nag himo kini ug buy-bust operation didto sa Sitio Ligas Paka, Brgy Minlasag sa pagpangulo ni PLt. Roel Talaid ang hepe sa mao nga lungsod.
Positibong napalitan si Niel Dayrit ug guinadiling drogang shabu, nakuha sa iyang posisyon ang 5 ka pakete nga adunay sulod nga gituohang shabu, mga drug paraphernalia ug ang kwarta nga gihimongf buy-bust money.
Kasong paglapas sa R.A 9165 kun comprehensive dangerous drug act of 2002 ang atubangon sa dinakpan.
Samtang dakpan si Jose Maghanoy, 64 anyos human gisilbi ang warrant sa mga pulis didto sa Brgy. Sas, Gutalac, ZDN.
Kinsa nag atubang sa kasong Estafa, human napasaka ngadto sa korte niadtong enero 22, 2020.
Wala usab nakalingkas sa mga kamot sa balaod si Elpiga Meraveles, 75 anyos, sa gihimong operasyon sa kapulisan sa Manukan sa pagpanguna sa hepe nga si Pcpt Benjamin Napigkit didto sa Brgy. Disakan.
Si Elpiga aduna kini kasong Grave Oral Defamation ug Grave Coercion.
Moabot sa 48mil ang gipangayo nga pyansa sa korte bugti sa temporaryong kagawasan sa dinakpan.
