Sa interview sa DXDC RMN News Team, gibutyag ni Matan-ao PNP Investigator Police Staff Sergeant Ronilyn Gomez nga modus sa suspek maong pagpanulis apan iya usab lugoson ang mga kababainhan nga ilang mabiktima ug mukabat na sa kapin tuig ginahimo sa napatay’ng suspek nga giilang si Joel Dabon, 24 anyos.
Sigun ni Gomez, nakig- alayon kanila ang Hagonoy Municipal Police Station human nasuta na ang hideout sa suspek sa Barangay New Katipunan hinungdan nga wala na sila maglangan pa sa pagkasa og operasyon bandang 4:30 sa hapon diin nahitabo ang enkwentro.
Giingong unang nakabantay si Joel Dabon sa presensiya sa kapulisan rason nga una kining namusil ngadto kanila, apan maayo nalang kay paspas nakabalos ang mga operatiba maong naigo ug nasamdan ang suspek.
Nadala pa sa ospital ang suspek apan dimalas kay gideklara nang patay nahidangat bandang 4:40 sa hapon sa samang adlaw.
Giingon ang gigamit nga gloc 9mm pistol sa suspek iya sa pulis nga ilang giilugan og armas.
Sa dugang kasayoran, ang suspek ug ang igsoon niini nga si Rodolfo Dabon kinsa nasikop sa lungsod sa Sulop, Davao Del Sur sa miaging tuig pa nagsugod sa ilang ginahimong krimen ug karon lang nataymingan sa mga otoridad.
Gipasabot sa imbistigador, nakadungog na matud pa sila sa pagpanulis ug sa pagpanglugos sa magsuon, apan wala palang silay nahipos nga mga ebidinsiya hinungdan wala dayon nila gi-operasyonan ang mga suspek.
Narekober sa mga pulis gikan sa hideout sa suspek ang mga bag ug mga identification card sa mga biktima.
Si Rodolfo Dabon maoy mahan-ukan sa kasong robbery with rape nga isang-at sa buhatan sa piskalya.
RadyoMaN Joel Viray
