General Santos City–Notado na matud pang involved sa pag pamaligya ug iligal nga droga ang napatay sa operasyon sa Police Station 6 nga si Jason Janson alyas Jason Bourne hamtung ang panuigon ug nanimuyo sa Gensan Ville, Subdivision Barangay Bula.
Sumala pa ni P/Capt Brent Ian Salazar ang hepe sa Police Station 6 nga bisan paman tong anaa pa kini na assign sa RPDEU-12 naa na ang pangalan niini sa ilahang listahan apan dili matud pa nila malocate ang nahimutangan niini.
Apan sa dihang na assign na kini sa Police Station 6 nakadawat kini ug impormasyon nga anaa lang sa Gensan Ville ang suspect hinungdan nga gi-applayan ug search warrant apan nagmagahi kini ug misukol sa kapulisan hinungdan nga napatay.
Samtang basi matud pa sa nakuhang ebidensya sa kapulisan ngadto sa suspect maka ingon si Capt Salazar nga dinagko kung mamaligya ang nasangpit nga suspect ug daku usab ang pag tuo niini nga dunay kahibalo ang mga kabanay niini sa iyahang binuhatan.
Kung kahinumduman nga nakuha sa posisyon sa suspect ang 6 ka mga sachet sa shabu nga nag kantidad ug 140,000 ka pesos ug usa ka pusil ug mga drug paraphernalia.(Dave Silagan)
