General Santos City–Notorious nga lambigit sa pag pamaligya ug iligal nga droga ang suspect nga si Ramir Roldan nga napatay sa gipahigayon nga buy-bust operation sa PDEA 12 uban ang Police Station 2, alas 2:00 ang takna sa hapon sa Barangay Apopong ning syudad.
Sumala pa ni PDEA 12 Regional Director Naravy Duquiatan nga usa matud pa ka lihitimo nga operasyon ang gihimo sa ilang tropa apan samtang gihimo ang operasyon, nakamatikod matud pa ang suspect nga operastiba sa otoridad ang iyang nakatransaksyon mao nga misuway kini ug sibat dungan sa pag pabuto ug armas sa mga operatiba hinungdan nga midepensa ang tropa sa PDEA ug kapulisan nga resulta sa pagkapatay sa nasangpit.
Narekover sa posisyon sa suspect ang mukabat matud pa sa 18 ka gramos nga shabu o nga gibana-banaang mukabat sa kantidad nga P122,400 ingon man ang P1000.00 nga buy-bust money; usa ka cellphone; tooter ug armas nga calibre 38 ug upat ka buhing bala.
Dugang pa ni RD Doquiatan nga kanhi na usab nga nasikop sa mga personahe sa Polomolok PNP ang suspect sa usa gihapon ka drug operation apan nakagawas lang sa presohan hinungdan nga naga-amping matud pa kini sa iyahang mga lihok gani nakonsidera matud pa kining high value target sa PDEA 12. (Dave Silagan)
