Nagpirmahanay sang memorandum of agreement ang National Anti-Poverty Commission (NAPC) kag Local Government Unit sang Norala angot sa pag-implementar sang programa nga mapanubo ang kapigaduhon sa lugar.
Ang nasambit nga tikang ang base naman sa target sang national government nga mapanubo sa 14 porsyento ang poverty incidence sa 2022 sa pungsod.
May-angot sini, suno kay NAPC Secretary Noel Felongco gin-establisar ang Kasambayanihan volunteer’s nga may 25 ka mga miyembro sa mga nagkalain-lain nga mga barangay agud magmonitor kag bulig sa implementasyon sang 5-year development program nga ginatawag nga 3S ukon Sambayanihan Serbisyong Sambayanan.
Lakip sa mga programa ang pagbulig sa mga mangunguma, manugpangisda kag mga informal settlers families.
Paklaro naman ni Atty. Felongco nga napili nila ang Norala tungod madamo sang mga mangunguma bisan wala nalakip ang South Cotabato sa 40 ka poorest provinces sa pungsod nga strategic area sa poverty reduction nga makabulig sa kaingod nga probinsya.
Target man nila ang banwa sang Lake Sebu partikular na ang Brgy. Ned kag ang bug-os nga probinsya sang South Cotabato, mga banwa sang Sultan Kudarat kag Saranggani.
Sa subong yara na sa 12 ka mga LGU sa rehiyon dose nga nakamoa ang NAPC sa diin 11 dire ang sa North Cotabato.
