NAPILPILAN | Isa ka persona sa Brgy. Putian Cuartero, napit-alan sang videoke machine, patay!

443

Cuartero, Capiz – Patay ang 37-anyos nga lalaki matapos nga malagbongan sang videoke machine alas 10:30 sang gab-e sa Brgy Putian banwa sang Cuartero.

Ginkilala ang biktima kay Jorly Gerson y Onato, sang Brgy. Mahunod-hunod, Cuartero, Capiz kun sa diin nag-angkon sang patal nga pilas sa iya ulo matapos nga napilpilan sang videoke machine makaligad nga nahulog samtang ginakarga sa salakyan.


Gindala pa sa ospital ang biktima apang dimalas gid nga ginbawian sang kabuhi.

Nahibaloan nga nagpatigayon sang reunion ang pamilya sang biktima kag inug-uli na kuntani ang ginrentahan nga videoke machine apang wala mahigtan sang maayo kabangdanan nga ini ang natumba kag napit-alan ang biktima.

Facebook Comments

From Advertisers