IWAS PAPUTOK | Mga biktima sang palupok sa bug-os nga probinsya sang Capiz, naglab-ot na sa anum – DOH

88

Capiz – Naglab-ot na sa anum ang mga biktima nga nalukpan sang palupok sa bug-os nga probinsya sang Capiz. Ini ang ginpahayag ni Mr. Joeffrey Espiritu, Development Management Officer IV sang DOH-Capiz. Sa report sang DOH-Capiz isa ka pito ka tuig nga bata ang pinakaulihi nga nabiktima nagikan sa Barangay Carataya, Cuartero, Capiz.
Nagapabilin nga confined sa ospital ang biktima matapos maigo sang boga nga gintunaan sang pagkasamad sang naibabaw nga bahin sang iya mata. Samtang isa ang nabiktima sang palupok sa banwa sang Dao, isa man sa Mambusao, President Roxas may isa kag duha ang nagikan sa Roxas City.

Ginpahayag dugang ni Espiritu nga mas mataas subong nga tuig kon ikumpara sang nakaligad sa kapareho nga period, humalin Disyembre 21 tubtub 27. Bangud sini liwat naman ginpahanumdum ni Espiritu ang publiko nga maggamit na lamang sang iban nga alternatibo kabaylo sang palupok sa pagsug-alaw sang Bag-ong Tuig.
Sa madumduman nga nagsugod ang monitoring kag reporting sang DOH-Capiz angut sa firecracker related incidents kag injuries sadtong Disyember 21, 2018 kag magatakop sa Enero 5, 2019.


Facebook Comments

From Advertisers