Nagtingkaya ang isa ka Isuzu Mu-x sa bahin sang radial road sa Lanit, Jaro kaina sang hapon matapos makabunggo sa streetlight bangud napiyungan ang driver.
Pasado alas 5 kaina sang hapon samtang nagabiyahe ang nasambit nga salakyan nga ginamaneho ni Efraim Palomo gikan sa siyudad sang Iloilo padulong sa siyudad sang Passi sang bumunggo ini sa streetlight kag nagtingkaya.
Apisar sini, masuwerte nga wala naman sang malain nga natabu sa driver kag nakaagum lamang sang minor nga gasgas sa lawas.
Ginpahayag ni Palomo nga may gindul-ong siya sa airport kag papuli na sa Passi city sang napiyungan siya bangud sa tuman nga katuyo kabangdanan nga nakabunggo ang iya salakyan sa streetlight kag nagkaya.
Facebook Comments
