Davao City – Imbestigahan sa National Police Commission (NAPOLCOM-XI) ang nahitabong leakage atol sa examinasyon sa mga police examinees dinhi sa Davao City aron magpasaka og rango.
Sumala sa NAPOLCOM staff ug exam proctor nga si Norjie Castillon nga dunay usa ka police examinee ang nagdala og cellphone diin asa makita ang mga answer keys ug kantidad sa bayrunon kung mupasa sa maong eksaminasyon apan sa dihang girekisa na ang ubang examinees, halos tanan nila dunay cellphone diin matud pa lahi-lahi ang kantidad nga ilang bayaran diin mokantidad sa P15-mil, P20-mil, P30-mil ug P50-mil ugaling sila mupasar tungod sa answer keys nga gihatag kanila.
Sa pagkakaron aduna nay ginasubay kung kinsa ang nangulo sa maong pagpanikas samtang anaa ra usab sa NAPOLCOM-XI ang paghukom kung ipa retake ba o dili na ang 37 ka mga nagkuha sa maong eksaminasyon.
RadyoMaN Paul Canono
