Gidepensahan sa Department of the Interior and Local Government (DILG) ang direktiba sa Criminal Investigation and Detection Group (CIDG) nga imbistigahan ang 37 ka munisipyo ug syudad tungod sa matod pa iregulidad nga pagpagawas sa pondo sa lungsod o mga buhat nga nalambigit sa korapsyon.
Giingon ni DILG Spokesperson, Assistant Secretary Jonathan E. Malaya nga ang kagawagan ang adunay kinatibuk-ang magdumala sa mga lokal nga panggamhanan, adunay katungod nga maghimo ug fact finding ug case build-up sa mga kaso sa kurapsyon batok sa mga opisyal sa lokal nga panggamhanan.
Matod pa ni Malaya nga ang direktiba ni DILG OIC-Secretary Eduardo Año sa PNP nga imbistigahan ang pipila ka lokal nga panggamhanan base kini sa nadawat nga taho gikan sa Hotline 8888 ug presidential Complaints Center may kalabutan sa Bantay Korapsyon program nga gimugna niadtong Oktubre 3 karon nga Local Government Month.
Dugang pa ni Malaya nga base sa R.A 10973 nga nahimong balaod karon nga tuig ug nagpagawas ug subpoena powers sa hepe a PNP ug sa Director ug Deputy Director sa CIDG, nagsunod kini sa DILG Act of 1990 o RA 6975 nga nag mando sa PNP nga imbistigahan ang tanang krimen sama sa korapsyon ug tumanon ang ilang katungdanan kun unsa ang naa sa balaod.
